لعل پشپ، هندستان جي سنڌي ليکڪن ۾ اهم اديب جي حيثيت رکي ٿو. سندس ڪجھ ڪتابن کي هندستاني سرڪار طرفان ساهتيه اڪيڊمي ايوارڊ به ڏنا ويا آهن. لعل پشپ پنهنجي آتم ڪهاڻي جا ٻه حصا لکيا آهن جن مان پهريون ڀاڱو هي ’آتم جيوڻي-تواريخ-ناول‘ آهي. هن ڪتاب کي لعل پشپ، هڪ ڪافي مشڪل ٽيڪنيڪ سان لکيو آهي ۽ تمام ڪاميابي سان انهي کي استعمال ڪيو اٿس. جنهن ۾ لاڙڪاڻي ۾ سندن گذاريل وقت ۽ وري انهي سان گڏوگڏ جلاوطن ٿيل ڪٽنبن جي بمبئي ۾ ٻيهر اڀار کي لکندو ويو آهي. ڪتاب جو مکيه موضوع، بمبئي ۾ لڏي ويل هندو سنڌي آهن، جن جي زندگين کي، تمام تخليقي انداز ۾ بيان ڪيو ويو آهي. لعل پشپ، ٻين هندو سنڌي ليکڪن جي برخلاف ڪنهن به سنڌ پرستي ۾ مبتلا نظر نٿو اچي ۽ پنهنجي موقف ۽ اسٽوري ٻڌائڻ ۾ ڪنهن جذباتيت طرف ناهي ويو. مان هن ناول کي تمام گھڻو پسند ڪريان ٿو ۽ دوستن کي ضرور پڙهڻ جي تاڪيد ڪريان ٿو. لياقت ٿهيم.